Британското Министерство за одбрана објави нов дневен разузнавачки извештај.
Во него се наведува дека од септември Русија најверојатно лансирала стотици ирански беспилотни летала против Украина. Тоа е, додаваат оттаму, мешавина од летала што се користат за еднократни напади и повеќе традиционални системи кои можат да се користат за повеќекратни напади.
„Русија интензивно го користеше ова оружје против тактички воени цели и електричната мрежа на Украина“, велат разузнавачките извори, додавајќи дека руските команданти веројатно ќе користат ирански беспилотни летала за да ги нападнат медицинските установи со наведувана муниција, доколку бидат идентификувани такви објекти.
Напад со еднократните ирански камикази дронови не е јавно снимен од 17 ноември, додадоа разузнавачите, посочувајќи дека Русија има проблем со иранските беспилотни летала. Имено, како што оценуваат, залихите на беспилотни летала е исцрпена.
„Русија се чини дека речиси целосно ја исцрпи сегашната пратка и најверојатно ќе бара снабдување. Русија веројатно може да набави беспилотни летала од странство побрзо отколку што може да произведува нови крстаречки ракети дома“, напишаа разузнавачите.
