Дојде крај и на одличната серија победи на Канаѓаните кои конечно потфрлија и на тоа на гостувањето кај Бруклин.
По 15 натпревари без пораз е прекината големата серија на забрефтаниот Торонто. Репторс беа немоќни кај Нетс, а решавачка беше втората четвртина која им припадна на домаќините со плус 8. И покрај поразот, најефикасен беше Серж Ибака со 28 поени, а после него Фред ВанВлит со 22. Дури трет беше кошаркар на домаќините и тоа Карис ЛеВерт со 20.
Торонто победничката низа ја почна на 16 јануари со победата на гости кај Оклахома, а потоа следуваа триумфи над Вашингтон, Минесота (2), Атланта (2), Филаделфија, Њујорк, Сан Антонио, Кливленд, Детроит, Чикаго, Индијана (2) и Бруклин. Токму последниот успеа во вториот обид да ги совлада Канаѓаните.
Лејкерс триумфираа на гости кај Денвер, а Леброн Џејмс запиша трипл-дабл. Со 33 поени најефикасен беше Ентони Дејвис, додека Леброн постигна поен помалку, 12 скокови и 14 асистенции. Исто толку поени постигна и домашниот кошаркар Џамал Мареј.
Резултати:
Кливленд Кавалирс - Атланта Хокс 127:105
Орландо Меџик - Детроит Пистонс 116:112 (прод.)
Бруклин Нетс - Торонто Репторс 101:91
Индијана Пејсерс - Милвоки Бакс 118:111
Њујорк Никс - Вашингтон Визардс 96:114
Мемфис Гризлис - Портланд Треил Блејзерс 111:104
Минесота Тимбервулвс - Шарлот Хорнетс 108:115
Далас Маверикс - Сакраменто Кингс 130:111
Феникс Санс - Голден Стејт Вориорс 112:106
Јута Џез - Мајами Хит 116:101
Денвер Нагетс - Лос Анџелес Лејкерс 116:120 (прод.)