Кошаркарите на Денвер Нагетс го победија Кливленд Кавалирс на гостински терен 115:109, а српскиот центар Никола Јокиќ одигра уште еден фантастичен натпревар. Одличен беше и Лука Дончиќ во убедливата победа на Далас Маверикс над Сан Антонио Спарс.
Нагетс беа подобри во почетокот на натпреварот, но Кавалирс заминаа на пауза со предност од еден поен. Домаќините имаа водство во текот на третата четвртина, а гостите пресекоа во последниот дел кога остварија важна победа.
Јокиќ на теренот мина 35 минути и за тоа време оствари нов трипл-дабл постигнувајќи 24 поени, 18 скока и 13 асистенции. Тоа беше негов 22 трипл-дабл оваа сезона. Ја имаше поддршката од Портер, кој постигна 25 поени, додека кај Кливленд најдобар беше Мобли со 31 поен.
Инаку, Денвер е прв на табелата во Западната конференција со 42 победи и 18 порази, додека Кливленд е четврти на Истокот со скор 38-24.
Од синоќешните натпревари го издвојуваме убедливиот триумф на Далас Маверикс над Сан Антонио Спарс со високи 142:116.
Повторно брилјираше одличниот Словенец Лука Дончиќ кој имаше 28 поени и 10 асистенции, а на тоа додаде и 7 скока. Ирвинг постигна 23 поени, додека кај Сан Антонио најдобар беше Бранхам со 23 поени.
Резултати:
Кливленд Кавалирс - Денвер Нагетс 109:115
Индијана Пејсерс - Бостон Селтикс 138:142 прод.
Орландо Меџик - Детроит Пистонс 108:106
Филаделфија 76ерс - Мемфис Гризлис 110:105
Торонто Репторс - Њу Орлеанс Пеликанс 115:110
Далас Маверикс - Сан Антонио Спарс 142:116
Јута Џез - Оклахома Сити Тандер 120:119 прод.
Лос Анџелес Лејкерс - Голден Стејт Вориорс 124:111
Сакраменто Кингс - Портланд Треил Блејзерс 133:116
Табела: