Искористете ја сезоната на аспарагус и за 5 минути направете вкусно јадење. И што е најважно, ќе извалкате само еден сад.
Аспарагусот е богат со аминокиселината аспарагин (оттаму и неговото име) која помага во ослободувањето на вишокот течности од телото, како и солта од организмот. Освен тоа, аспарагусот е и доста вкусен, лесно се подготвува и може да се додава во многу јадења. Ако досега не сте знаеле, обавезно пробајте го, а ова е еден од наједноставните рецепти. Само кратко пропржете го, па прелијте го со сок од лимон, а можете да го служите и како гарнир на кајгана.
Потребни состојки:
- 20-24 парчиња аспарагус
- 2 чешниња лук
- 4 лажици маслиново масло
- 1 лимон
- сол
- бибер
Подготовка:
Измијте ги аспарагусите, па исечете им ги краевите. Во тава турете малку маслиново масло, па пропржете го зеленчукот. Посолете и побиберете. Пржете додека не почнат да добиваат боја како да изгореле, па тогаш додадете го толченото лукче. Добро промешајте и по минута турете сок од лимон. Измешајте и закуската е подготвена.
