За да направите вкусен и здрав домашен сладолед потребни ви се неколку состојки како млеко, павлака или грчки јогурт, зависи што имате во фрижидерот и овошје.
За денешниот рецепт од шумско овошје потребно ви е: половина литар густ јогурт, 250 г малини, 250 г јагоди, една замрзната банана и малку мед.
Подготовка:
Во блендер ставете ги бананата, медот, јагодите, малините и грчкиот јогурт. Мешајте додека не се соединат состојките. Ставете ја смесата во калапи и оставете да замрзне.
Сервирајте го сладоледот по ваша желба. Рецептот може да го модифицирате со овошје по избор.
