Јасен Петров е задоволен што неговата Бугарија за противници во Лигата на нации ги доби Македонија, Грузија и Гибралтар.
Реакции на вчерашната жрепка за новата сезона од Лигата на нации дојде и од нашиот источен сосед каде тамошниот селектор Јасен Петров изрази задоволство од добиените противници, но и напомена дека бугарскиот репрезентативен фудбал, согласно очајните резултати во последната деценија, не е во ситуација да потценува никој.
„Жрепката што ја добивме според мене е исклучително добра. Не треба да потценуваме ниту еден од противниците, бидејќи не сме во таква позиција. Задоволни сме, нашата цел е да бидеме први во групата“, вели тој.
Проблем, како за Бугарија, така и за останатите репрезентации, е тоа што УЕФА одлучи во јуни да се играат дури четири натпревари еден по друг, небаре некој мини-турнир.
„Имаме почит за секој противник и ќе треба да се подготвиме на најдобар можен начин. Ќе играме четири натпревари еден по друг, што за нас ќе биде предизвик, но ние сме подготвени за сѐ“, додаде Петров.
Денеска УЕФА го објави и распоредот на натпревари, а токму во првотро коло Бугарија ќе ја пречека Македонија, натпревар кој согласно политичките односи помеѓу двете земји - ќе претставува дерби кое никој не би сакал да го загуби. Воедно, двете репрезентации ќе се сретнат и во полседното коло во Скопје, натпревар кој може и да биде решавачки за изгледот на табелата:
2 јуни: Бугарија - Македонија (20:45)
5 јуни: Гибралтар - Македонија (18:00)
9 јуни: Македонија - Грузија (20:45)
12 јуни: Македонија - Гибралтар (18:00)
23 септември: Грузија - Македонија (18:00)
26 септември: Македонија - Бугарија (20:45)
Синоќа своето мислење до даде и нашиот селектор Благоја Милевски.
Македонија и Бугарија досега се имаат сретнато дури 7 пати, но секогаш на пријателски натпревари. Имаме 2 победи, Бугарите имаат 4, а 1 натпревар, овој првиот од 1995 година, завршил нерешено.
1995: Македонија - Бугарија 0:0
1996: Бугарија - Македонија 3:0
1998: Македонија - Бугарија 1:0
2001: Бугарија - Македонија 1:0
2006: Македонија - Бугарија 0:1
2013: Македонија - Бугарија 2:0
2016: Македонија - Бугарија 0:2
