Познатиот американски филм „Casablanca“ кој многумина го сметаат за најголемата приказна околу безвременската љубов за време на борбата против нацистите, одбележува 75 години од првото прикажување во САД.
Ова антологиско филмско остварување за прв пат било прикажано во Њујорк на 26 ноември 1942 година и набргу достигнало светска слава, добивајќи Оскар за најдобар филм во 1944 година.
Филмот на режисерот е Мајкл Кериз, а станува збор за љубовна драма со одличните Хемфри Богарт и Ингрид Бергман во главните улоги.
Дејството се врти околу Рик Блејн, сопственик на ресторан кој не знае дали би се осветил или би и помогнал на поранешната љубовница Лизи Лунд, која еден ден се појавува во неговиот локал со нов љубовник и очајнички бара негова помош.
Дејството се случува за време на Втората светска војна во Казабланка во Мароко.
Според анкета од 2006 година, „Casablanca“ е омилен филм на британските пратеници, а во САД е на третото место на најголеми американски филмски остварувања.
Филмот и понатаму ги полни кино-салите, додека Оскарот кој Кертиз го освои е продаден во 2012 година на аукција за 2.1 милиони долари.
„Casablanca“ според многумина го претставува сјајот на стариот Холивуд со големи режисери, ѕвезди, костими, сценографија и се смета за евергрин на светската кинематографија.
