Регулаторната комисија за енергетика донесе oдлука со која се врши зголемување на малопродажните цени на нафтените деривати во просек за 0,55% во однос на одлуката од 10 јуни.
Од 14.06.2024 година од 0:01 часот максималните цени на нафтените деривати ќе изнесуваат:
- моторен бензин Еуросупер БС-95 – 80,00 (ден/л)
- моторен бензин Еуросупер БС-98 – 82,00 (ден/л)
- дизел гориво Еуродизел БС (Д-Е V) – 71,50 (ден/л)
- масло за горење Екстра лесно 1 (ЕЛ-1) – 70,50 (ден/л)
- мазут М-1 НС – 43,639 (ден/кг)
Малопродажната цена на мазутот М-1 НС се зголемува за 1,164 ден/кг и изнесува 43,639 ден/кг.
Малопродажните цени на бензините Еуросупер БС-95 и Еуросупер БС-98, на Еуродизел (Д-Е V) и на Екстра лесното масло за домаќинство на (ЕЛ-1) не се менуваат.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,735%, кај дизелот зголемување 3,460%, кај екстра лесното масло зголемувањето е за 3,460% и кај мазутот зголемувањето е за 3,375%.
Курсот на денарот во однос на доларот во изминатиот период по кој беа формирани цените со претходната пресметка е понизок за 0,335%.
