Тоше Проески денеска би наполнил 41 година, а по тој повод Тони Цетински објави емотивна порака на својот Instagram.
Покрај тоа што се присети на својот драг колега Проески, кој е роден на денешен ден во 1981 година, Цетински го спомена и неодамна починатиот пејач на „Парни Ваљак“, Аки Рахимовски.
„Среќен ти роденден Тоше! Запејте ја пак ‘Јесен у мени’ со Аки, онака од длабочината на душата со вашите прекрасни гласови. Ве сакаме засекогаш“, напиша Цетински со колаж од заеднички фотографии со Тоше во форма на буквата Т.
Македонскиот ангел, како што го нарекуваа Тоше Проески, го загуби животот во сообраќајна несреќа што се случи на 16 октомври во раните утрински часови во близина на градот Нова Градишка. Причина за несреќата беше неприлагодена брзина.
