Екипажот на Airbus A320 на United Airlines мораше да се откаже од полетувањето откако регистрираше пожар во еден од моторите на авионот.

Airbus A320 N459UA на United Airlines требаше да го изврши летот на релација Чикаго (ORD) – Сиетл (SEA) во понеделникот на 27 мај. При приближувањето до пистата на аеродромот „О’Хара“, патниците и екипажот забележале црн чад околу левиот мотор.
Пилотите го откажаа полетувањето и го свртеа авионот назад кон терминалот.
На видеата и фотографиите објавени на социјалните мрежи се гледаат голем број возила на итната помош околу самиот авион.
🚨BREAKING: United Airlines flight aborts takeoff after an engine catches fire at Chicago O'Hare International Airport.
— The Worldview Monitor (@WorldviewFeed) May 28, 2024
pic.twitter.com/h1s2o8JDMu
Сите 148 патници и петте членови на екипажот се неповредени, пренесе „Аеро тајм“.
Авиокомпанијата објави дека сите патници се префрлени на алтернативни летови до Сиетл и дека нема поголеми нарушувања во воздушниот сообраќај.
Пламенот и чадот од моторот наводно биле пријавени околу 14 часот. Федералната управа за авијација (ФАА) накратко ги забрани сите слетувања на аеродромот во Чикаго, а сообраќајот е повторно воспоставен во 14:45 часот по локално време.