Турскиот репрезентативец Хакан Чалханоглу од денеска и официјално е нов фудбалер на Интер, потпишувајќи тригодишен договор со италијанскиот шампион.
27-годишниот играч за врска во Интер дојде без обесштетување, откако му заврши договорот со градскиот ривал Милан.
Финансиските детали од договорот, засаега, не се соопштени.
Минатата сезона Чалханоглу одигра 33 натпревари за Милан во Серија А и беше еден од клучните играчи на „црвено – црните“, кои како второпласирани обезбедија настап во Лигата на шампиони, првпат по пауза од осум години.
Пред Чалханоглу, Антонио Касано премина од Милан кај градскиот ривал, во 2012 година.