Чанта во форма на целер се продава за над 4.000 долари: Би ја носеле?

Брендот Moschino продава необична чанта во форма на целер за повеќе од 4.000 долари. Набрзо стана предмет на бројни коментари на корисниците на социјалните мрежи, кои се прашуваат каде оди модата.

На веб-страницата се наведува дека листовите и гранките се направени од жица за клиентите да можат да ги приспособат по желба. Очекувано, следеа реакции за овој необичен моден додаток.

„Ја разбирам желбата на некои луѓе да се истакнат, но ова е навистина претерување“, „Не разбирам зошто некој би платил толку пари за чанта“, „Што нема да измислат“, се некои од нив.

Синџирот супермаркети Aldi се пошегува на сметка на Moschino. Тие на социјалните мрежи споделија фотографија од манекенка која држи целер и ги потсетија клиентите дека овој нивен „моден додаток“ не е толку скап – чини помалку од еден долар.

Иако Balenciaga е познат како бренд кој во својата палета има голем број необични модни додатоци, изгледа дека Moschino му е зад пети.

Покрај оваа необична чанта во форма на целер, Moschino продава и чанти во форма на багет за повеќе од илјада долари, хартиени кеси за повеќе од 500 долари итн.