Откако сите средства на Челси беа замрзнати, глубот се најде во голем број проблеми, а начинот на транспорт до гостувањата е во неизвесност.
Челси во првиот натпревар под санкции славеше против Њукасл со резултат 1:0. Клчубот од Стемфорд Бриџ не може да продава поединечни билети, ниту стока од фан шопот, а целиот имот на клубот е замрзнат поради санкциите против сопственикот Роман Абрамович.
Натпреварот против Њукасл беше лесен за организација бидејќи е домашен натпревар на нивниот стадион во нивната лига, но натпреварот од Лигата на шампионите против Лил ќе открие кои се вистинските проблеми.
На прес-конференцијата пред гостувањето во Лигата на шампионите, новинарите се интересираа како играчите ќе бидат префрлени во Франција, бидејќи целиот имот е замрзнат. Тренерот Томас Тухел верува дека авионот ќе биде достапен.
„Моите најнови информации велат дека треба да имаме авион. Ако не, тогаш одиме со воз. Ако не можеме да го направиме тоа, одиме со автобус и можам да го возам ако треба", изјави тренерот на актуелниот европски шампиони, на чии настапи на прес-конференции се гледа дека е уморен од целата ситуација.
Финансиската состојба во клубот е таква што под знак прашалник е како Челси ќе оди на гостувања. Главните спонзори се повлекоа, а компанијата Three која се рекламира на дресот, го откажа договорот вреден 40 милиони фунти годишно.
Натпреварот меѓу Лил и Челси се игра во среда од 21 часот. Првиот натпревар заврши со победа на „Сините“ со резултат 2:0 на домашен терен.
