Челси во необична позиција: Ќе мора да плати за да не го откупи Санчо

Од промената на раководството, Челси стана познат по своите иновативни деловни техники. Од аквизиции на многу играчи до осумгодишни договори, „Сините“ се честа тема на интересни деловни тактики. Главна ѕвезда на најновата епизода е Џејдон Санчо, чија позајмица е при крај.

Англичанецот на „Стемфорд Бриџ“ пристигна како играч на Манчестер Јунајтед. Челси се договори за позајмица со „Црвените ѓаволи“ со обврска за откуп за 30 милиони евра. Сепак, лондонскиот тим мислел на сѐ. Во оваа соработка има клаузула каде што можат да го одбијат откопувањето на 24-годишниот играч, но тоа ќе ги чини 6 милиони евра.

Поранешниот англиски репрезентативец нема толку лоша дебитантска сезона во дресот на Челси. На 29 натпревари сезонава постигна 2 гола и подели 6 асистенции. Беше во одлично расположение на стартот на сезоната, а во септември постигна три гола во низа.

Тренерот Енцо Мареска дефинитивно има доверба во крилниот напаѓач кој некогаш вредеше 100 милиони евра. Според фудбалскиот инсајдер Фабрицио Романо, Англичанецот би сакал да остане на „Стемфорд Бриџ“, а на крајот од сезоната судбината на Санчо ќе биде единствено во рацете на Челси.