Фудбалската сезона се реактивира и во Чешка, а иако се игра без публика, навивачите сепак се снајдоа и тоа на многу оригинален начин.
Синоќа во Прага се играше дербито помеѓу двете првопласирани екипи, лидерот Спарта и вториот Викторија. Беше забрането присуство на публиката на стадионот „Летна“, но сепак навивачите ги освоија симпатиите на фудбалските фанатици со нивниот начин на гледање на натпреварите.
Навивачите на Викторија со своите автомобили запоседнаа еден од градските паркинзи во Плзењ каде на видео-бим го следеа натпреварот, навиваа, пиеја пиво и запалија по некоја бакља.
Лукаш Калвах во 26. минута им донесе радост на насобраните навивачи, а во 52. минута Жан-Давид Богел зголеми на 0:2. Спарта преку Давид Мобериј Карлсон ја врати неизвесноста на три минути до крајот, но сепак гостите од Плзењ ја однесоа победата за лудница на градскиот паркинг.
На табелата по 25 кола лидер останува Спарта со 61 бод и 8 повеќе од второпласираната Викторија која и покрај победата сепак доста заостанува..
