Дневната соба е срцето на секој дом и просторијата во која поминуваме најмногу време, така што повеќето луѓе најмногу инвестираат во ова катче.
Има многу начини и украсни детали со кои можете да го направите овој простор поубав, но еве што велат дизајнерите на ентериер за тоа што никогаш не треба да зафаќа место во вашата дневна соба.
Лусијана Фраџели, дизајнерка на ентериер од Мајами, која се занимава со овој бизнис веќе 15 години, за Business Insider откри четири грешки поради кои вашата дневна соба не изгледа модерно и кои ја нарушуваат нејзината удобност и привлечност.
„Килимот ја менува фокусната точка на собата и додава визуелен допир што го прави просторот потопол и поудобен“, вели Фраџели.
Таа додаде дека подот, без разлика дали е паркет или ламинат, е повеќе склон на оштетување кога не е заштитен со теписи и дека теписите прават просторот да изгледа попривлечен.
Ова не е пожелна опција, тврди Фраџели.
„Јас лично никогаш не ја разбрав нивната употреба. Не само што не се естетски пријатни, туку не успеваат доволно да ја осветлат дневната соба и да го извлечат максимумот од дневната светлина“, вели таа.
Наместо тоа, таа препорачува класични ролетни, а моделот треба да го координирате со дизајнот на дневната соба.
Полиците за книги се омилена работа на многу дизајнери на ентериер, открива Фраџели, но тврди дека никогаш не треба да бидат празни. Дури и една празна полица остава погрешен впечаток на гостите и имплицира дека ви недостасува инспирација и креативност.
Лусијана Фраџели тврди дека постерите и печатените налепници со мотивациони пораки можат да направат вашиот простор да изгледа незрело и неоригинално.
Како дизајнерка, таа вели дека ја излудуваат оние натписи „Live, Love, Laugh“ што се продаваат на секој агол. Фраџели советува наместо тоа да ја декорирате вашата дневна соба со поп-арт или со концептуални уметнички дела.
Дизајнерката на ентериер исто така советува да се ослободите од вештачките цвеќиња и зеленило, како и имитации на овошје. Демоде се и препарираните животни, изложеното оружје како експонат и вистинското крзно.
