Правилната исхрана помага во контролирање на шеќерот во крвта, зачувување на телесната тежина и одржување на доброто расположение. Повеќето луѓе барем еднаш во животот биле на диета.
Популарноста на диетите се менува секоја година, а според податоците на Supplement Place ова се најпопуларните диети.
Кето
Кето диетата го ограничува внесот на јаглехидратите. Но, кето диетата го доведува телото во состојба на кетоза, кога вашето тело ги користи мастите наместо јаглехидратите.
Кога вашето тело ќе влезе во состојба на кетоза, мастите патуваат низ црниот дроб и создаваат киселини кои се нарекуваат кетони, кои влегуваат во вашиот крвоток и го претвораат во енергија.
Кето диетата е најпопуларната диета во моментов.
Weight watchers
Станува збор за диета која им помага на луѓето да ги променат навиките и тренингот да им стане дел од секојдневието. Не постои ограничување колку овошје и зеленчук треба да јадете, но треба да се откажете од брзата храна и од чоколадо.
Slimming World
Оваа диета се фокусира на внес на храна која може да се јаде во неограничени количини, а забранета е храна со голем процент на калории и масти. Потребен е и редовен тренинг за да се постигнат резултати.
Дукан диета
Оваа диета подразбира внес на протеини, јаглехидрати, масти и други хранливи материи кои се потребни за нормално функционирање на организмот. Не мора да ги броите калориите, а нејзиниот креатор д-р. Пјер Дукан вели дека може да изгубите и до 4 килограми во текот на првата недела, а секоја наредна недела ќе изгубите до 2 килограми.