Четири ракети погодија денеска воена база во близина на меѓународниот аеродром во Багдад, при што се повредени шестмина борци, се вели во соопштението на ирачката војска.
Безбедносните сили откриле ракетен фрлач и неколку ракети при претрес во областа, пишува во соопштението.
Засега никој не презеде одговорност за нападот, а ова е последниот напад во низата напади од минатата недела.
Во четвртокот две ракети ја погодија авионската база Балад, но немаше жртви и штета од нападот.
Во базата Балад се сместени американските сили, а базата се наоѓа на околу 80 километри северно од Багдад.