Да се биде родител е еден од најголемите предизвици во животот, бидејќи носи огромна одговорност. Мајката и таткото мора да бидат доктори, аниматори, психолози, најдобри пријатели и уште низа улоги кога ќе добијат дете.
Во денешниот свет е нормално жените покрај тоа што се мајки исто така се и домаќинки и деловни жени, а тој притисок и одговорност оставаат голема трага на нивната психа. Да се остане прибран и смирен во секоја ситуација е многу тешко, затоа мора да најдете начин на кој ќе може да го канализирате сиот насобран стрес.
Традиционалниот начин на воспитување деца е сменет низ генерациите. Жените некогаш претежно биле домаќинки, останувале дома за да ги раснат децата и се грижат за домот. Денес, освен тие обврски, имаат и кариера и други обврски.
Затоа, поради овој начин на живот потребна им е помош од најблиските луѓе во нивната околина. Мора да имаат време за себе, барем еднаш неделно да одвојат по неколку часа за работи кои ги сакаат и исполнуваат.
Добрата организација е значи да имате доволно време, бидејќи недостигот на време е голем извор на стрес. За да го избегнете тоа, одржувајте добра организација на вашите активности и должности.
Клучно за вас е да најдете време и хоби кое ќе ве ослободува од секојдневниот стрес. На овој начин ќе ги исчистите мислите кои секојдневно ве окупираат. Пронајдете го повторно вашето „јас“ преку дружба со пријатели или хоби во кое уживате.
Најважната работа е да се соочите со подемите и падовите кои доаѓаат со родителството. Бидете свесни дека не сте должни да одржувате слика на совршена мајка, бидејќи во суштина никој не е тоа. Немојте да се срамите од вашите емоции и лошите денови, туку споделете ги со партнерот, пријателите и другите мајки кои сигурно ќе ве разберат.
Вие сте пример за вашето дете и модел на однесување, преку вас ќе научи дека не е погрешно да ги кажете вашите чувства.