Можеби не сте свесни, но критериумите по кои го одбирате партнерот се огледало на вашиот карактер и вашите желби.
Најважно од сè е да се согласувате и да имате компромис. Доколку сакате стабилна врска треба да проверите дали верувате во исти вредности и какви се вашите планови за иднината. Не може да градите стабилна врска со личност која има потполно различни вредности од вашите, ниту со некој партнер кој има начин на живот којшто не ви одговара.
Ова се знаци кои покажуваат дека сте во стабилна и среќна врска
Останува и кога е најтешко
Најлесно е да си заминете кога е тешко и да се преправате дека ништо не се случило по некоја поголема расправија. Но ако некој е подготвен да остане тука и да работи на вашиот однос за да ги решите проблемите, ова е знак дека се грижи за вас.
Нема непријатна тишина
Комуникацијата е клучна во сите односи па така и во љубовната врска. Со вашиот партнер треба да разговарате на секоја тема без да се плашите како ќе реагира или дали ќе замолчи доколку го прашете нешто.
Доколку забележите дека вашиот партнер ве поттикнува да ги остварите вашите соништа, ова е знак дека ве сака и ве почитува.
Ве прави да бидете подобра личност
Најважниот знак е како се чувствувате кога сте покрај вашиот партнер: дали тој ви прави да се чувствувате како подобра личност, дали покрај него се чувствувате дека знаете и можете повеќе - ако одговорот е да, тогаш сте со вистинската личност.