Палачинките се секогаш одличен избор за десерт, појадок или лесна вечера, зависно од филот со којшто ќе ги комбинирате. Дали некогаш сте пробале палачинки со овошен фил?
Потребни состојки:
- 2 јајца
- 2 лажички шеќер
- 1 лажичка какао
- прстофат сол
- 120 г брашно
- 50 г путер
- 2 дл млеко
- 1 дл вода
Фил:
- 300 г јагоди или малини, по избор
- 3 дл кисела павлака
- 2 лажички шеќер
Подготовка:
Стопете го путерот и оставете малку да се олади. Во посебен зад измешајте ги брашното и какаото. Јајцата матете ги рачно или со миксер, па додадете ги шеќерот и солта.
Потоа додадете го стопениот путер и добро измешајте. Во садот додадете ја мешавината од брашно и какао, добро измешајте и постепено додавајте ги млекото и водата. Смесата ставете ја во фрижидер, да постои еден час.
За тоа време, исецкајте ги јагодите на мали парчиња, а ако се одлучивте за малини, исечете ги на половина и ставете ги во сад.
Додадете две лажички шеќер, добро измешајте ги и оставете ги половина час да пуштат сок. Потоа додадете ја киселата павлака, соединете го филот и ставете го во фрижидерот.
Палачинките ги пржите на двете страни, а откако ќе се оладат ставете од филот и виткајте ги. На крајот, може да ги посипете со шеќер во прав и да ги прелиете со стопено чоколадо.
