Новата инкарнација на „Д.Н.О“ во состав Владимир Поп-Христов, Тони Мичевич и Михаил Парушев го објави новиот сингл „Чувај ме“, во очекување на следниот албум.
Автор на текстот за песната, која е втор сингл по „Девојка“, е Владимир Поп-Христов, музиката е заедничко дело на „Д.Н.О“, гитара свири Тони Мичевич, бас и вокал е Поп-Христов, а на тапани Михаил Парушев.
Сценариото, монтажата и режијата на видеозаписот за „Чувај ме“ се на Љупчо Трајковски, камера Јаков и Марјан Огненовски, а фотографија Дарко Шахпазов.
Песната се снимаше во Студио Спална Соба и Алшар Студио, а спотот во Денсинг салата во МКЦ.
Култниот македонски бенд планира и официјална промоција на видеозаписот за песната “Чувај ме” која е најава за долго очекуваниот албум кој треба да излезе 2022 година.