Стефанос Циципас до третото коло на Ролан Гарос стигна со победата над 103. играч во светот, Педро Мартинес од Шпанија.
Грчкиот тенисер славеше со 6:3, 6:4, 6:3, но интересно е тоа што по завршувањето на мечот не беше расположен.
Тоа го забележаа и новинарите, па го прашаа што не е во ред, дали се случило нешто меѓу неговата победа и пристигнувањето на конференцијата при што тој одговори:
„Имав мала расправија со...се шегувам, се насмеја тој и додаде. Таков е мојот израз на лицето. Не сум тажен, не сум лут. Мечот беше ок, но сум имал и подобри денови на Ролан Гарос па се надевам дека ќе играм подобро наредниот пат. Ви благодарам за разбирањето“, рече Циципас.
Неговиот следен противник е Американецот Џон Изнер.