Американската компанија Classic Recreations подготвува ултралесна реплика на познатата Shelby Cobra од 1965 година, која ќе биде придвижувана од 5-литарскиот V8 мотор на Ford со 800 коњски сили.
Classic Recreations од Оклахома (САД), со одобрение на Shelby, подготвува реплика на двоседот Cobra од 1965 година, чија каросерија е направена од јаглен и тежи само 40 килограми.
Не се знае колку полесна ќе биде комплетираната Cobra Diamond Edition од оригиналната верзија која тежеше нешто помалку од 1.000 килограми, но познато е дека ентузијастите од Оклахома ќе направат само 10 примероци кои ќе можат да се користат само на патека.
Идните сопственици на Cobra, која сигурно би му се допаднала и на легендарниот Тексашанец Керол Шелби, за 1,2 милиони долари ќе добијат автомобил придвижуван од третата генерација на 5-литарскиот мотор на Ford (Coyote), кој развива 800 коњски сили со помош на механички компресор.
За пренос на силата на задната оска со независно потпирање е задолжен 6-брзинскиот мануелен менувач T56 на Tremec, а за соодветно сопирање ќе се погрижат сопирачките од полиците на познатата компанија Wilwood.
Со откривањето на карбонската каросерија која овојпат нема да биде на цевчеста рамка, основачот на Classic Recreations, Џејсон Ејнџел, гордо истакна дека научил многу од несебичниот креатор на оригиналната Cobra, Керол Шелби (кој секогаш инсистираше на што повеќе „коњи“ во најлесна можна средина) чиј потпис ќе ја краси кабината на најновата реплика на CR.