Крис Лихт, шефот на CNN, денес преку допис ги информирал вработените дека во тек се отпуштања.
Лихт соопшти дека CNN за тоа денес ќе извести мал број луѓе, главно некои од хонорарните соработници. За други детали вработените ќе ги информира утре попладне.
„Знам дека овие промени влијаат и на нашите колеги кои заминуваат и на оние кои остануваат. Ние имаме ресурси да ве поддржиме“, напиша Лихт.
Намалувањето на работните места е очекувано бидејќи повеќе компании се обидуваат да ги скратат трошоците и да го намалат персоналот.
Во октомври, Лихт предупреди дека CNN ќе претрпи промени, наведувајќи ја „широката загриженост за состојбата на глобалната економија“.
Промените ќе влијаат на „луѓето, буџетите и проектите“, истакна Лихт.
Кабелскиот оператор AMC Networks во вторникот соопшти дека ќе отпушти 20 отсто од својот персонал во САД.
