Леталото на компанијата SpaceX на милијардерот Елон Мас слета на Меѓународната вселенска станица, превезувајќи четворица астронаути. Тоа е првата мисија на НАСА со користење на приватно летало со екипаж.
Crew Dragon пристигна 27 часа по лансирањето од Кејп Канаверал на Флорида, по две одложување поради силните ветришта предизвикани од бурата Ета.
Астронаутите ќе престојуваат 6 месеци на Станицата. Експерти од НАСА минатата недела го одобрија конечниот дизајн на капсулата со што е завршена развојната фаза на SpaceX во дел на јавно-приватната програма на агенцијата.
Во 2014 година НАСА потпиша договор со SpaceX и Boeing за развој на конкурентски вселенски летала со цел одвикнување од зависноста од руските ракети за испраќање американски астронаути во вселената.
