Бурата Иленија во текот на ноќта пристигна во Германија откако метеоролозите ден претходно предупредија дека северот и истокот на земјата ќе бидат погодени од силно невреме.
Како последица од невремето има урнати дрвја, оштетени автомобили и станбени објекти. Најмногу проблеми се појавија во Хамбург, поради повисоко ниво на морето поплавен е познат пазар, а има и откорнати дрвја.
Околу два часот по полноќ, невремето пристигна и во Берлин, каде е прогласена вонредна состојба.
Германската метеоролошка служба ДВД поголемиот дел од земјата го стави под црвено додавајќи дека временската состојба би требало да се смири дури попладне. Особено предупредија на оркански ветер кој ќе дува со брзина од над 150 км/час.
