Списанието Forbes објави список на клубови со „најскапи дресови“, односно најпрофитабилни спонзорски договори во светот на фудбалот.
На врвот на листата е неприкосновениот Реал Мадрид, чиј договор со авиокомпанијата Emirates вреди 82,5 милиони долари годишно. Единствениот проблем за Мадрид е фактот дека овој договор истекува на крајот на следната сезона.
На второ место е Манчестер Јунајтед, кој добиваше 64,9 милиони долари годишно од TeamViewer. Овој договор важи до 2026 година.
„Бронзата“ ѝ припадна на Барселона, која се најде на врвот на Forbes листата највредни клубови во светот. На Барса спонзорот Rakuten годишно ѝ обезбедува 64,8 милиони долари. Оваа соработка ќе заврши во 2022 година.
Вака изгледа листата на фудбалски клубови со најпрофитабилни спонзорски договори:
Реал Мадрид & Emirates - 82,5 милиони, истекува во 2022 година
Манчестер Јунајтед & TeamViewer - 64,9 милиони, истекува во 2026 година
Барселона & Rakuten - 64,8 милиони, истекува во 2022 година
ПСЖ & Accor - 57 милиони, истекува во 2022 година
Арсенал & Emirates - 56 милиони, истекува во 2024 година
Ливерпул & Standard Chartered - 55,3 милиони, истекува во 2023 година
Челси & Three - 55,2 милиони истекува во 2024 година
Јувентус & Jeep - 53,1 милиони, истекува во 2023 година
Тотенхем & AIA - 50 милиони, истекува во 2027 година
Баерн & Deutsche Telekom - 35,4 милиони, истекува во 2023 година.