Германскиот производител на камиони и автобуси Daimler Truck планира да ги намали работните часови и да ги замрзне вработувањата во својата подружница за производство на камиони во неговата матична земја Германија, поттикната од слабата побарувачка во Европа и Азија.
„Од септември ќе го намалиме работното време“, рече финансиската директорка Ева Шерер, додавајќи дека разговараат и за дополнителни мерки за намалување на трошоците.
Во одделно интервју со новинарите, извршниот директор Мартин Даум рече дека работниците во фабриките за камиони во Германија ќе работат пократки часови. Мерката нема да го опфати производството на автобуси, додаде тој.
„Во моментов не размислуваме за отпуштања, но дефинитивно не размислуваме ниту за вработувања“, истакна Даум.
Најголемиот производител на комерцијални возила во светот добил 10 отсто помалку нарачки во првата половина од годината од лани, со нарачани 198.376 возила.
„Побарувачката е ослабена на клучните пазари за камиони, особено во Азија и Европа“, заклучи Даум.
Daimler Truck сега очекува значително помала добивка пред камати и даноци оваа година отколку минатата година.
