Актерката Дакота Џонсон е најпрепознатлива по улогата на Анастасија во филмот „Fifty Shades of Grey“, а во интервју за Vanity Fair откри дека не би ја прифатила таа улога ако знаела како ќе изгледа снимањето.
„Јас сум многу сензуална личност и кога нешто ме интересира, сакам се да дознам за тоа. Затоа и глумев во сите овие филмови во кои се разголував. Се пријавив за улога во доста поинаков филм од оној што на крајот го снимивме“, раскажа актерката.
Објаснува дека било тешко да се работи со режисерката Сем Тејлор-Џонсон и режисерот Џејмс Фоли, но и со авторката на книгата Е.Л. Џејмс.
„Таа имаше доста креативна контрола, по цел ден, секој ден. Инсистираше на многу работи. Имаше делови од книгата кои едноставно не би функционирале во филм, како на пример што се внатрешните монолози“, вели Дакота.
Раскажа и дека авторката на книгата збеснала кога Чарли Ханам, актерот кој требаше да се појави во улогата на Кристијан Греј, се повлекол од проектот.
„Бев многу млада, имав 23 години и беше застрашувачки. Одеднаш сè се претвори во лудница. Имаше многу несогласици“, призна актерката.
Вели дека претходно не зборувала за овие работи бидејќи сакала да го „промовира филмот на вистинскиот начин“.
Додаде дека не жали што глумела во „Fifty Shades of Grey“, но и нагласи:
„Да знаев како ќе изгледа снимањето, никогаш не би се согласила да се појавам во таа улога. Само ќе кажев, океј ова е психотично. Но, сепак не зажалив за тоа“, вели Дакота.