Далас го испрати Дончиќ со срцепарателна објава, познатите рапери го поддржаа трејдот

Страстите околу преминот на Лука Дончиќ од Далас Маверикс во Лос Анџелес Лејкерс се смируваат, а особено е интересен начинот на кој неговиот поранешен клуб се збогуваше.

Настаните од пред два дена го потресоа целиот кошаркарски свет бидејќи Лука Дончиќ веќе пристигна во Лос Анџелес каде почна да се адаптира на својот нов клуб и град.

Додека го чека опоравувањето од повредата и враќањето на терените во дресот на својот нов клуб, Далас сѐ уште тагува за неговото заминување. Ако ништо друго, фановите се тие кои не им простуваат на челниците на франшизата за ваквиот потег.

Во исто време, Далас Маверикс на официјалната клупска страница на Х објави срцепарателно видео од збогувањето на Дончиќ.

Почитта за словенечкиот кошаркар е отсликана во објавата, во која најтажен момент е последната сцена на која се гледа дека од Дончиќ во соблекувалната во Далас останале само патиките.

„Беше чест да се гледа како волшебникот го прави тоа“, наведоа од Далас во видеото покрај дел од одличните потези на Лука Дончиќ во текот на неговата кариера.

Во исто време, доаѓањето на Дончиќ на социјалните мрежи го поддржаа познатите рапери Снуп Дог и Лил Вејн, познати како доживотни фанови на Лејкерс. Од друга страна, нивниот колега Кам'рон не може да се изначуди од потегот на Далас да го пушти во друг клуб.

Снуп Дог прво објави благодарница до Ентони Дејвис, кој тргна во спротивна насока, а потоа објави видео од пристигнувањето на Дончиќ на аеродромот во Лос Анџелес.