Кошаркарите на Далас Маверикс ги совладаа Шарлот Хорнетс со 127:59 во гостинскиот натпревар од претсезоната во НБА.
Победата на Мавс против франшизата во сопственост на Мајкл Џордан е најголемата досега забележана во подготвителните натпревари меѓу двата тима од НБА и претставува изедначување на рекордна победа во најсилната светска кошаркарска лига. Истата разлика од 68 поени беше запишана во 1991 година за Детроит Пистонс против Мајами Хит (148:80).
Хорнетс со прецизност од само 27 проценти
Хорнетс колку-толку се држеа во почетната четвртина, која ја загубија со 17:24 во својот Спектрум центар, по што следуваа четвртини кои Далас ги решаваше во своја корист со 24, 19 и 18 поени разлика.
Домаќините останаа ограничени на 27,4 проценти прецизност од играта и 15,8 проценти во шутот за три поени. Нивниот единствен играч кој постигна повеќе од осум поени беше Џејмс Букнајт, на кого за 12 поени му беа потребни 13 топки од игра и пет од линијата за слободни фрлања.
Мавс до победата ги предводеше Тим Хардавеј Џуниор со 20 поени и Кристапс Порзингис со 17 поени и девет скока. Лука Дончиќ постигна 10 поени за 26 минути со лоши 4-14 од игра. Имаше и осум асистенции.