Меколи Калкин, популарниот Кевин од култниот филм „Home Alone“ стана хит на интернет поради неговата оригинална маска за лице.
„Јас само се штитам од коронавирусот носејќи ја одраната кожа на мојата помлада верзија. Не заборавајте да носите маска, дечки“, напиша 40-годишниот Калкин покрај фотографијата на која носи маска со мотив од филмот „Home Alone“.
Објавата доби повеќе од половина милион лајкови на Instagram за само неколку часа, а дури 75.000 пати беше споделена на социјалните мрежи.
„Човече, па тоа беше еден од најлегендарните моменти во филмската историја. Имаш титула победник во категоријата најдобра маска“, напиша еден од фановите, одушевен од генијалниот потег.
Меколи Калкин имаше само 10 години кога стана филмска ѕвезда и стекна популарност за која неговите врсници не можеле ни да сонуваат.
Во интервјуата, Калкин честопати потенцираше дека води обичен живот, како и неговите врсници и дека и покрај филмовите, тој и понатаму најнормално оди во училиште. Израснал со седум браќа и сестри, а кон актерството го насочил татко му Кит, за кој Калкин подоцна тврдеше дека го малтретирал психички, вербално и физички.
Неговите родители се разведоа во 1994 година откако Калкин го сними филмот „Richie Rich“. Тие се бореа за старателство над него и 11-те милиони долари што момчето ги заработи дотогаш. Веќе на 16-годишна возраст, Калкин успеа да се избори да управува со сопствените пари.
Како вие се штитите од коронавирусот? Дали би ја носеле оваа маска?
