Кога купувате користени возила, километражата е стандардно прашање. Дали големата километража мора да значи и послаб автомобил?
Кога купуваат, клиентите може да се најдат во дилема: Дали е подобро да се купи понов автомобил со поголема километража или постар со помала?
Матас Бузелис, експерт од CarVertical, компанија која собира податоци за автомобили, вели дека иако е точно дека треба да избегнувате автомобили со повеќе од 300.000 километри, тоа не е секогаш потребно.
Постарите автомобили со помала километража може да изгледаат како добар избор и покрај нивната возраст. Сепак, треба да се биде внимателен.
„Важен е квалитетот на користеното возило и начинот на кој се одржува. Ако историјата покажува постојано зголемување на километражата, а автомобилот е редовно одржуван, не би требало да имате многу проблеми со него. Во спротивно, подобро е да се избегне или внимателно да се испита“, вели тој.
Сепак, тоа не мора да значи дека постар автомобил со голема километража сè уште не може да се користи. Според експертите, постојат исклучоци. Како пример ги наведува користените автомобили Mercedes-Benz, кои можат да поминат 400.000 километри, и уште да се добри.
Според Бузелис, „златното доба“ за купување половен автомобил е меѓу три и пет години.
Во тоа време, возилото е веќе дебело амортизирано, а во следните три до пет години амортизацијата веќе нема толку брзо да се зголемува.
„Постојат возила кои можат да поминат 200.000 километри за само неколку години. Особено поновите дизел автомобили се многу погодни за подолги патувања. Важно е, сепак, да се акумулираат километри на автопати, а не во градски сообраќај“, вели Бузелис.
Сепак, секогаш вреди да се земат предвид информациите за историјата на сервисирање.
„Без овие податоци, секој автомобил може да биде дупка за пари“, вели Бузелис.
