Германскиот гигант одлучи да покаже колку е брз неговиот најнов електричен автомобил.
Дуелот во забрзување помеѓу Audi и Формула значи и дуел помеѓу шампионите во Ф1 и Формула Е. Зад воланот на новиот e-tron GT е Нико Розберг, додека Формула Е ја вози Лукас ди Граси.
Позната е наклонетоста на Розберг кон брзината и особено електричните автомобили. Една од причините е што сфати дека спортските електрични автомобили му даваат искуство најблиску до тоа во Формула 1, барем кога станува збор за забрзување. А e-tron GT со над 600 КС моќност што му ја даваат два електромотори, достигнува 100 км/ч за 3,3 секунди и не попушта до 250 км/ч. Машала бројки, нели?
Во видеото, овој автомобил се соочува со болид од Формула Е. Со малку повеќе од 335 КС и минимална тежина, и нему му се потребни околу 3 секунди за да се достигне 100 км/ч. Интересно, дуелот не се одвива во идеални услови. Студеното време и врнежите сигурно не одат рака под рака со електричните автомобили кои не можат да го покажат својот максимум во вакви услови.
Погледнете како заврши овој дуел на е-ѕверките.
