Илјадници корисници на Facebook утринава пријавија дека социјалната мрежа е преполна со чудни објави и коментари оставени на профилите на славните личности. Како што јавуваат корисниците, на почетната страница повеќе не се прикажуваат нивните редовни објави.
Наместо тоа, на почетната страница се прикажуваат објави од непознати луѓе кои објавуваат коментари на страниците на славните личности.
Корисниците и на другите социјални мрежи пишуваат дека утринава нивниот Feed бил преплавен од стотици објави на непознати луѓе и никому не му е јасно што се случува. Станува збор за коментари објавени на страниците на славни личности како Тејлор Свифт, Еминем, Двејн Џонсон и други.
Многумина мислат дека нивните профили се хакирани, а проблемите се пријавени и на страницата DownDetector и изгледа дека станува збор за баг. Најмногу проблеми се забележани на апликацијата (73%), додека во 23% од случаите е забележан проблем на интернет страницата и само 4% при самата пријава на Facebook.
Од Facebook не се огласија да објаснат за што точно станува збор, а Twitter е преполн со објави во кои луѓето се обидуваат да сфатат што точно се случува на Facebook.