Продуцентската компанија Fox би можела да донесе одлука за прекин на снимањето на популарната анимирана серија „The Simpsons“, како резултат на нејзiното спојување со Disney.
Како што објави Independent, со спојувањето на двете продуцентски куќи, Fox ќе нема право на приходи од лиценцата на „The Simpsons“, со што ќе треба сам да го финансира натамошното снимање на серијата.
Во моментов се емитува 30-тата сезона од серијата „The Simpsons“, од која досега се снимени вкупно 663 епизоди.
Variety посочува дека последниве неколку години серијата почнала да остварува загуби, поради што нејзиното снимање се финансирало од средствата од наплата на лиценцата.
Поради ова, според магазинот, Fox најверојатно ќе нема друг избор, освен да го премине снимањето на серијата.
Variety сепак наведува дека не е исклучено снимањето на серијата да го преземе Disney и „The Simpsons“ да почнат да се емитуваат на најавениот стриминг сервис „Disney+“.