Пуканките се готови, удобно се сместивте пред лаптопот или телевизорот и подготвени сте за „малку“ Netflix, но одеднаш на екранот се појавува „We're having trouble playing this title right now“.
Овој баг има и техничко име tvq-pb-101 и иако е иритантна, сепак не е нерешлива. MakeUseOf наведе неколку од најчестите причини и нивните придружни решенија.
Една од најчестите причини за овој проблем е вашата интернет врска. Само затоа што можете да пристапите до Netflix, не значи дека вашата интернет врска е активна. Прво, проверете дали телевизорот, таблетот или компјутерот се поврзани на интернет. Друг проблем може да биде бавниот интернет. Ако станува збор за рутерот, ви предлагаме да го исклучите и вклучите, а ако и тоа не ви помогне - јавете се на вашиот интернет провајдер.
Рестартирањето на уредот, колку и да е рутинско, може да помогне и при проблеми со Netflix.
Ако сè уште добивате грешка во апликацијата и откако повторно ќе се поврзете на интернет и ќе го стартувате уредот, време е да се позанимавате со самиот Netflix.
Ако се обидете да се поврзете со него преку приватен прозорец или друг уред, можно е грешката да не се појави пак. Откако заклучивте дека грешката не се јавува на други уреди, деинсталирајте го Netflix и преземете го повторно.
Cache се користи за да се забрза работата на апликацијата, но со Netflix може да стане преголем и да почне да го успорува или да го „паѓа“.
За да го решите овој проблем на Netflix, одете во Settings > General > Apps or Applications > Netflix > Storage и таму изберете Clear Data или Clear Storage.
Xbox или PlayStation честопати можат да пријават грешка при пуштање наслови на Netflix ако нивниот cache e полн. Ако вашиот диск е полн со игри и апликации, време е да се расчисти.
Грешката tvq-pb-101 на Netflix понекогаш се јавува кога се обидувате да гледате нешто што сте го презеле за гледање offline. За да ја поправите оваа грешка, само избришете го постојниот наслов и преземете го повторно. Влезете во делот за преземање на Netflix, кликнете на „моливчето“ и потоа на црвената икона X покрај насловот што ја исфрла грешката.