Легендарниот Швеѓанец Златан Ибрахимовиќ има 42 години, се опорави од тешката повреда на коленото и се враќа на тренинзи, а наскоро би можел да ги добие и првите повратнички минути за Милан во Серија А.
Минатата сезона беше важен фактор за освојување на титулата, но и покрај ова Стефано Пиоли не го вклучи во списокот на играчи за продолжението од сезоната во Лигата на шампионите.
Ибрахимовиќ никогаш во кариерата не ја освоил Лигата на шампионите, а со оглед на одлуката на Пиоли, постои шанса никогаш повеќе да не го видиме во тоа натпреварување.
Неодамна беше објавено дека Ибрахимовиќ можеби сè уште не ја завршил својата репрезентативна кариера и покрај повредата што ја заработи.
„Разговаравме неодамна. Имаме добри односи. Ако успее целосно да се опорави и ако се чувствува добро, сигурно ќе биде интересен за нас како напаѓачка опција. Годините не се важни, не сум загрижен за неговата форма. Тој дава многу и во соблекувалната, и на теренот. Фасциниран сум од влијанието врз младите играчи“, изјави шведскиот селектор Јане Андерсон.