Вербалното малтретирање во врската е исто толку сериозно како и физичкото насилство.
Понекогаш е тешко да се препознае, но може да биде исто толку деструктивно како и физички. Можеби затоа што „повредите“ не се очигледни, дури и на жртвата може да ѝ биде многу тешко да разбере што се случува.
Кога ќе го слушнеме зборот „малтретирање“, нашиот ум се свртува само кон физичко насилство, но вербалното насилство може да биде сериозно и за психата на една личност. Ова е облик на насилство што не е очигледен, бидејќи насилникот лесно го „камуфлира“ ваквото однесување и го „провлекува“ како нешто нормално или забавно.
Па, како човек ќе знае дали е жртва на вербално насилство?
Секогаш мислите пред да прозборите
Во повеќето разговори со партнерот, секој ваш збор е многу внимателно обмислен и пред да зборувате, секогаш размислувате како тој ќе реагира. Ако пред да прозборите помислите „подобро да не го кажам ова, бидејќи ќе има тензии и кавги“, тогаш треба да ја преиспитате вашата врска.
Не се забавувате
Поточно, сте заборавиле кога последен пат сте се забавувале. Во вашата врска доминираат кавги и навреди. Во исто време се двоумите дали да излезете или да се трудите да го избегнете тоа, бидејќи знаете дека крајот на ноќта ќе донесе кавги и расправии.
Вашите зборови постојано се погрешно разбрани
Дали сте забележале дека секогаш кога аргументирано ги изнесувате вашите ставови, особено ако тие не се во корист на вашиот партнер, тој го менува она што го кажувате во ваша корист. Најверојатно вашиот партнер е манипулатор кој секогаш сака биде во право, дури и ако тоа значи дека на крајот ќе заплачете.
Инстинктот ви кажува дека нешто не е во ред
Ако често мислите дека е подобро да ја напуштите оваа врска, да не толерирате некој така да зборува со вас и да се однесува грубо со вас или ако сметате дека работите не се во ред и не можете точно да одредите што се случува, тогаш веројатно вашиот инстинкт е точен. Слушајте го!
Навредите се само „шеги“
Ако неколку пати сте биле жртва на вербална злоупотреба, ќе почувствувате дека вашите чувства и мисли не се важни. „Зошто си толку емотивна/вознемирена?“, „Тоа беше само шега“ или „Само се шегував. Не сфаќај сè толку сериозно“ се реченици на човек кој користи вербално насилство, најчесто како алатка за манипулација.
