Граѓанската иницијатива Шанса за Центар која има свои советници во Советот на Општина Центар, информираше за својот втор предлог за дополнување на дневниот ред на последната седница на Советот, што се однесува на загадувањето на воздухот.
Од Шанса за Центар велат дека поради енергетската криза и „извесното користење на секакви горива од страна на граѓаните и институциите за загревање на објектите“ можен е голем раст на загадувањето на воздухот.
„Предложивме, општината во рамки на своите ингеренции да ги прогласи месеците декември и јануари, кога воздухот е најзагаден, за период кога ќе се стопираат сите градежни активности со цел да се ублажи емисијата на загадувачки материи и прашина“, велат оттаму и додаваат дека времена забрана за градежни активности еднаш е веќе донесена од страна на Советот во 2015 година.
„Колегите од СДСМ ни одговорија дека општината не може да го ограничи правото на градба на инвеститорите кои добиле одобрение за градба и дека ако се пролонгира градбата тие ќе имаат поголеми трошоци, а ќе се пролонгира вселувањето од страна на тие кои купиле станови. Дел од советниците побараа точката да биде прво разгледувана на комисија пред идната седница. Предлогот за ова да биде точка на дневен ред беше одбиен, а Шанса за Центар ќе го постави и на идната седница“, соопштија тие преку социјалните медиуми.
Вториот предлог на Шанса за Центар за дополнување на дневниот ред на последната седница на Советот на Општина Центар беше околу загадувањето на воздухот: 🌁 Поради енергетската криза и извесното користење на секакви горива од страна на граѓаните и институциите за загревање на објектите е можен голем раст на загадувањето на воздухот. 🚧 Предложивме, општината во рамки на своите ингеренции да ги прогласи месеците декември и јануари, кога воздухот е најзагаден, за период кога ќе се стопираат сите градежни активности со цел да се ублажи емисијата на загадувачки материи и прашина. Времена забрана за градежни активности еднаш е веќе донесена од страна на Советот во 2015 година. 📌 Колегите од СДСМ ни одговорија дека општината не може да го ограничи правото на градба на инвеститорите кои добиле одобрение за градба и дека ако се пролонгира градбата тие ќе имаат поголеми трошоци, а ќе се пролонгира вселувањето од страна на тие кои купиле станови. Дел од советниците побараа точката да биде прво разгледувана на комисија пред идната седница. Предлогот за ова да биде точка на дневен ред беше одбиен, а Шанса за Центар ќе го постави и на идната седница. Можете да го погледнете видеото од дискусијата, а на линкот се целосните текстови од предлог-точките за дополнување на дневниот ред: https://drive.google.com/file/d/1VJMPb8xNTrLJEOLFOxp_t7WR5JiWfPjG/view?usp=sharing
Posted by Шанса за Центар on Thursday, November 3, 2022