Украински Нафтогас аплицира за учество во постапката за издавање сертификат за операторот на „Северен поток 2“, изјави генералниот директор на компанијата, Јуриј Витренко.
„Аплициравме за учество во сертификацијата на операторите на Северен поток 2“, рече Витренко на брифинг со новинарите, додавајќи дека компанијата аплицирала за да докаже дека овој гасовод не може да биде лиценциран.
Тој изјави дека „главната позиција на Нафтогас е дека „Северен поток 2“ не може да се сертифицира бидејќи не е обезбедена целосна усогласеност со европското законодавство“, пренесува агенцијата ТАСС.
Витренко очекува дека апликацијата на Нафтогас за учество во постапката за сертификација нема да биде одбиена.
„Германија мора да ја вклучи Украина во процесот на сертификација“, рече тој.
Naftogaz requests 🇩🇪 regulator BNetzA to include us in NS2 certification process. Our position is that NS2 is in breach of 🇪🇺laws, weakens energy security, creates uneven playing field and hurts business and consumers. pic.twitter.com/E35biYKYJ3
— Myron Wasylyk (@MyronWasylyk) October 18, 2021
Рускиот претседател Владимир Путин пред неколку дена изјави дека нападите врз гасоводот „Северен поток 2“ се обид да се натера Русија да плати за геополитичкиот проект на Западот во Украина.
"Зошто сѐ се врти околу Северен поток 2? Сакаат да ја натераат Русија да плати за нивниот геополитички проект во Украина“, рече рускиот претседател на видеосредба со водачите на парламентарните групи во Државната дума.
Според него, сето тоа е „прилично примитивно“, објави ТАСС.
„Ние тоа одамна го сфаќаме. Тоа е светот во кој живееме“, рече Путин.
