Експертите велат дека има научни причини зошто утринскиот секс може да биде подобар од ноќниот, барем за некои луѓе.
Нивоата на тестостерон кај мажите се обновуваат во текот на ноќта и затоа имаат тенденција да бидат највисоки наутро и најниски навечер.
„За време на спиењето се создава тестостерон за следниот ден. По будењето има најголема концентрација на овој хормон во крвта, покрај зголемувањето на кортизолот. Оваа комбинација е поволна за физички активности, без разлика дали се работи за секс или тренинг“, изјави Алиса Вити, автор на книгата „In The Flo“.
Зголеменото ниво на тестостерон наутро го зголемува либидото и гарантира подобра ерекција. Според сексуалниот терапевт Џеса Цимерман, нивото на естроген кај жените е исто така повисоко наутро. Затоа, постои зголемување на протокот на крв во вагината.
Тоа значи дека женските тела се „подготвуваат“ за секс за време на спиењето. Повеќе вагинален проток на крв и влажност ќе им дадат поголема чувствителност и задоволство.
Сепак, тие забележуваат дека жените се повеќе заинтересирани за секс во првата половина од менструалниот циклус (за време на фоликуларната и овулаторната фаза), додека во втората половина (за време на лутеалната и менструалната фаза) нивото на кортизол се намалува, па затоа не копнеат за интимни врски толку многу.