Дали заврши сагата за Салах и Ливерпул?

Ливерпул е многу блиску до продолжување на договорот со египетскиот напаѓач Мохамед Салах (32), кој истекува следното лето, пренесуваат многу британски медиуми.

Пред неколку дена се чинеше дека незадоволниот Салах ќе го напушти „Енфилд“ на крајот од сезоната, за што зборуваше и самиот, но сега многу поизвесно е дека ќе остане во клубот чиј дрес го носи седум години.

Менаџерот на Салах инсистираше на тригодишен договор, додека Ливерпул првично понуди едногодишен договор.

Како резултат на преговорите, страните постигнале компромис и нов двегодишен договор, пренесуваат медиумите од Островот.

Финансиите, наводно, никогаш не биле проблем во преговорите со Салах бидејќи тој веќе е еден од најплатените играчи во клубот со плата од 480.000 евра неделно.

Да потсетиме, Салах дојде во Ливерпул од Рома и одигра вкупно 377 натпревари и постигна 226 голови со 101 асистенција.

Сезонава тој е најдобар стрелец во Премиершип со 13 постигнати голови, а лидери се црвените со 35 бода.