Ѕвездата од „James Bond“ филмовите наскоро доаѓа на Балканот каде треба да почне снимањето на вториот дел од „Knives Out“.
Како што пренесуваат српските медиуми, снимањето е закажано за 28 јуни во Грција, по што екипата на есен треба да дојде во Србија, а ќе се снима и во САД и Канада.
Претставници на сетот деновиве биле во обиколка на Белград барајќи погодни локации за нивните сцени.
Режисер на филмот е Рајан Џонсон кој и претходно има снимано во српската престолнина и тоа филмот „Brothers Bloom“ од 2008 година. Тој филм се снимаше и на локации во Романија, Црна Гора, Грција и Чешка.
Netflix потпиша договор вреден 450 милиони долари за две продолженија на филмот под услов Џонсон и Крег да бидат дел од продолженијата.