Ракометарите на Данска третпат по ред станаа светски шампиони откако во финалето на Светското првенство во Стокхолм ја совладаа Франција со 34:29 (16:15), а херој на Данците беше Расмус Лауге Шмит, кој направи подвиг што досега не бил виден во овој спорт.
Искусниот 31-годишен ракометар на Веспрем постигна дури десет гола од 11 удари кон голот, но немаше да биде толку чудно ако не постигнеше ниту еден гол на турнирот пред финалниот натпревар.
Посебно неверојатен факт е дека тој се запиша во листата на стрелците само двапати од седум натпревари пред финалето, а најголемиот дел од натпреварите на Светското првенство ги мина на трибините.
А потоа, кога никој не очекуваше, селекторот Николај Јакобсен му даде шанса, а тој му возврати со блескава игра, еден од најдобрите во финалните мечеви на Мундијалот, со кој влезе во историјата.
Во мечот за третото место Шпанија ја победи Шведска со 39:36 (18:22).