Веднаш по победата на Хабиб Нурмагомедов над Дастин Поарје завчера во Абу Даби, се огласи поразениот ривал на Дагестанецот – Конор Мекгрегор.
Ирскиот ММА борач не чекаше долго откако Хабиб ја потврди титулата првак во лесна категорија во УФЦ за да упати барање за реванш и тоа во Москва.
Минатата година Хабиб го победи и Конор кој после поразот веќе не влезе во октагонот.
Сега Ирецот бара реванш, а првиот човек на УФЦ Дејна Вајт рече дека борбата ќе се случи само ако Тони Фергусон одбие да се бори против непоразениот Нурмагомедов.
На барањето на Конор објавено на Twitter бурно реагираше Џастин Гејџи, еден од најдобрите борачи во лесна категорија и несуден соперник на Конор во октагонот.
„Глуп си. Веќе изгуби сѐ. Ти си гомно од човек, татко и сопруг. Еби се“, му одговори Гејџи на твитот, додавајќи смајли што плаче од смеење на твитот на Мекгрегор. Ваквата реакција на Гејџи не им се допадна на фановите кои сметаат дека коментарите се премногу лични и не му доликуваат на еден спортист.
Гејџи следниот викенд ќе се соочи со Доналд Серон во Ванкувер, Британска Колумбија.