Френки де Јонг, ѕвездата на Барселона кој дојде во 2019 година од Ајакс за 85 милиони евра, зборуваше за гласините за неговата плата во каталонскиот клуб.
„Имаше многу лаги за мојата плата. Имав намалување на платата на секои три години откако сум овде. Парите на крајот се враќаат, па изгледаат многу повеќе. Многу луѓе не го разбираат ова, но бројките за кои известуваат медиумите се лажни“, рече 25-годишниот Де Јонг за TV NOS.
Да потсетиме, цело лето се зборуваше за заминување на Холанѓанецот од Барселона, што на крајот не се случи. Тој сега ги негираше тврдењата дека одбил да прифати намалување на платата. Daily Mail потсетува дека поранешниот претседател на Барселона, Хосеп Марија Бартомеу, на Де Јонг му понудил повеќе од 400.000 евра неделно. Со ова тој би заработил 20 милиони евра оваа сезона и 25 милиони следната сезона, а како „одложена плата“ би добил речиси уште 20 милиони евра.
Тогаш играчот од средниот ред беше критикуван бидејќи наводно не сакал да прифати помала плата поради тешката финансиска ситуација во која се најде Барселона и се обиделе да го вратат на претходниот договор, оној што го потпишал по пристигнувањето. Де Јонг на крајот сето тоа го негираше.
