Миријам Бланко од Тексас има интересна животна приказна кога станува збор за љубовта и интересот кон фитнесот. Нејзиниот долгогодишен дечко ја оставил бидејќи била дебела и тежела 100 килограми.
„Бев со прекумерна тежина, никаде не сакав да одам со него бидејќи пред сите ме навредуваше. Ми велеше дека сум дебела“, раскажа таа за Truly.
Вели дека била зависна од благо, дека се прејадувала со колачиња.
„Тој си замина по Денот на благодарноста. Јас си отидов кај родителите. Сите заедно се фотографиравме и кога ја видов фотографијата, конечно сфатив дека мора да престанам со прејадување“, вели таа.
Така започнала нејзината приказна со фитнесот, почнала да вежба и здраво да се храни. Била премногу срамежлива за да оди да вежба во теретана, па на почетокот вежбала дома.
„Веќе во првите три месеци се гледаше промена. Успеав да ослабам 30 килограми“, вели таа.
Со намалувањето на килограмите всушност се зголемила нејзината самодоверба, почнала да заработува како фитнес модел. Дури има и профил на страницата OnlyFans, каде објавува разголени фотографии и остварува дополнителен приход.
Вели дека сега е многу посреќна и за многумина е инспирација за трансформација.