Американскиот бизнисмен си ја врати титулата на најбогат човек во светот, пренесе CNN.
Безос титулата ја изгуби од Илон Маск, кој шест недели важеше за најбогат човек во светот. Но, основачот на Amazon повторно се врати на врвот.
Маск во вторникот изгуби околу 4,5 милијарди долари откако акциите на Tesla паднаа за 2.4 проценти што беше доволна причина да се најде на второто место на листата на Bloomberg.
Богатството на Безос исто така е намалено поради падот на акциите на берзата, но нема екстремни промени бидејќи остана без 372 милиони долари. Тоа беше доволно да ја врати титулата на најбогат човек во светот, која веќе 3 години ја држи.
Се проценува дека богатството на Безос моментално тежи 191 милион долари, додека Маск има 190 милијарди долари.
Во меѓувреме, Бил Гејтс останува третиот најбогат човек во светот, со богатство вредно 137 милијарди долари.
